Гімн школы

(словы Лёлі Багдановіч,

музыка Святланы Васільеўны Шышлы і Аліны Аляксандраўны Зубавай )

1). Каля родных сельскіх хатак

Наша школа - альма-матар,

Побач з Глівінам - Барысаўскі раён.

І няма найлепшай школкі,

Чым у вёсцы Навасёлкі:

Двор прыгожы і вялікі стадыён.

Прыпеў:

Кветкі, млын, алоўкі, бусел -

Сімвал нашай Беларусі,

Паравоз ляціць уперад, як заўжды.

Пранясём мы ўспаміны

Аб настаўніках любімых

Праз імгненні, кіламетры і гады.

2). Празвініць званок вясёлы,

Мы пакінем нашу школу -

У дарослае жыццё ляжыць наш шлях.

Ды ніколі не забудзем

Тых, хто вывеў нас у людзі,

Будзем прылятаць пад родны дах.

Прыпеў:

Той, дзе кветкі, млын і бусел -

Сімвал нашай Беларусі,

Дзе заўжды ляціць наперад паравоз.

Дзе жыве пяшчота, ласка

І дзіцячых сэрцаў казка

Сярод елак, успамінаў і бяроз.