21 лютага ў свеце адзначаецца Міжнародны дзень роднай мовы.
Гэта свята – нагадванне пра тое, як важна захоўваць і шанаваць мову, якая звязана з нашай гісторыяй, культурай і самабытнасцю.
Родная мова – гэта не проста сродак зносін. Гэта наша памяць, наша душа, наша ідэнтычнасць. У кожным слове, у кожнай фразе адлюстраваны веды і вопыт пакаленняў.
У нашай школе мы стараемся стварыць усе ўмовы для вывучэння і папулярызацыі беларускай мовы. Настаўнікі праводзяць на беларускай мове ўрокі, віктарыны, літаратурныя конкурсы каб кожны вучань адчуў прыгажосць і багацце нашай мовы.
Давайце разам захоўваць і развіваць беларускую мову! Гаварыце па-беларуску, чытайце беларускую літаратуру, слухайце беларускую музыку. Памятайце, што мова – гэта жывы арганізм, які патрабуе нашай увагі і клопату.