Весела і яскрава!
Дзень ведаў - свята кніг, кветак, сяброў, усмешак, святла! Дзверы нашай школы зноў расчыніліся, каб даць старт новаму навучальнаму году!
Сёння ў нашай школе прайшла ўрачыстая лінейка, прысвечаная Дню ведаў. У гэты асаблівы дзень вучні і настаўнікі сабраліся разам, каб адзначыць пачатак новага навучальнага года. У 2024-2025 навучальным годзе за парты нашай школы сядуць 120 вучняў.
Урачыстая лінейка для навучэнцаў прайшла ў прыязнай і ўрачыстай абстаноўцы. Адкрыццё лінейкі было адзначана выхадам знамянной групы і выкананнем гімна. Дырэктар школы Дзямідчык В.А. павіншавала ўсіх навучэнцаў, настаўнікаў і бацькоў з пачаткам новага навучальнага года.
Кранальныя першакласнікі і дарослыя выпускнікі надоўга запомняць гэты восеньскі дзень. Па традыцыі, па завяршэнні лінейкі прагучаў першы званок, які адзначыў пачатак новага навучальнага года.
Пасля гэтага вучні разам з класнымі кіраўнікамі адправіліся на першы ўрок, тэма якога “Нам ёсць чым ганарыцца, нам ёсць што берагчы”.
Наперадзе нас чакаюць новыя веды, новыя здзяйсненні і новыя перамогі. Поспехаў усім!